رووداو - هەولێر
شاعیر و نووسەر رێدار سابیر، دوو دیوانی شیعری ئامادەن بۆ چاپ كە بە هەردوو دیوانەكە نزیكەی 400 شیعریان لەخۆگرتووە.
رێدار سابیر بە (ئەدەب و كولتووری رووداو)ی راگەیاند، هەردوو دیوانەكەی ئامادەی چاپن، بەڵام بەهۆی نەبوونی سپۆنسەرەوە چاپ نەكراون و گوتیشی: "شیعرەكانی ئەم دوو دیوانە جیاوازن لە شیعرەكانی پێشووتر و زیاتر فكر و تێڕامانن".
رێدار سابیر ئاماژەی بۆ ئەوە كرد كە دیوانەكان یەكێكیان 300 لاپەڕە و ئەوی دیكە 200 لاپەڕەیە و نزیكەی 400 شیعری لیریك، ئازاد و غەزەلیاتیان لەخۆگرتووە و كۆكراوەی ساڵانی 2008 تاوەكو كۆتایی 2017 -ن.
شاعیر و نووسەر رێدار سابیر، ساڵی 1971 لە هەولێر لەدایكبووە، چوار دیوانی چاپكراوی هەیە و دەیان چیرۆكی بۆ منداڵان نووسیوە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ