هەڵەیەک روویدا! دووبارە هەوڵبدە
یەكێتیی تۆپی پێی كوردستان رایگەیاند رۆژی 20ی ئەم مانگە دواكاتە بۆ یانەكانی كوردستان بۆ پێشكەشكردنی لیستی ناوی یاریزانانیان و پێداویستییەكانی دروستكردنی ناسنامەی یاریزانان و هەر یانەیەك دوابكەوێت سزادەدرێت.
سكرتێری یەكێتیی تۆپی پێی كوردستان سەلام حوسێن بە تۆڕی میدیایی رووداوی گوت: " داوا لە یانەكانی خولی نایابی كوردستان دەكەین، تا رۆژی 20ی ئەم مانگە، لیستی ناوی یاریزانانیان، كە بە كشوفات ناسراوە، هەروەها پێداویستییەكانی دروستكردنی ناسنامە بۆ یاریزانان و ستافی مەشق بگەیننە یەكێتیی تۆپی پێ".
هەروەها گوتی: "رۆژی 20ی ئەم مانگە دوامۆڵەتە و هەر یانەیەك دوابكەوێت و لە كاتی دیاریكراودا لیستی یاریزانان و پێداویستییەكان نەگەیەنێتە بارەگەی یەكێتیی تۆپی پێ، دووچاری سزا دەبێتەوە.
بڕیارە 30ی ئەم مانگە وەرزی نوێی خولی نایابی تۆپی پێی كوردستان، وەرزی 2014-2015 دەستپێبكات و 14 یانە بەشداریی تێدادەكەن.
لە خولەكانی كوردستان هەر یاریزان و راهێنەرێك، ناسنامەی تایبەت بە خۆی هەیە، كە لە لایەن یەكێتیی تۆپی پێی كوردستان بۆی دروستدەكرێت.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ