ئەمڕۆ خولی هۆڵەندا یەکلایی دەبێتەوە

رووداو - هەولێر

ئەمڕۆ دوایین گەڕی یارییەکانی ئەم وەرزەی خولی هۆڵەندا بەڕێوەدەچێت و یانەی پاڵەوانی خولەکە بە فەرمی دیاریدەکرێت.

سەرجەم یارییەکان کاژێر 20:30 بە کاتی باشووری کوردستان بەڕێوەدەچێت، گرنگترین یاری ئەم گەڕە لە نیووان ئەیاکس و دی گراڤشاپ دەبێت.

ئەیاکس بە شێوەیەکی نافەرمی نازناوی خولەکەی بەدەستهێناوە و تەنیا ئەنجام یارییەکانی ئەم گەڕە ماوە بۆ ئەوەی نازناوەکە بەرزبکاتەوە.

ئەیاکس پێشەنگە 83 خاڵی هەیە و سێ خاڵ لە یانەی ئایندهۆڤنی دووەم دوورە، دی گراڤشاپیش لە پلەی 17یە و 29 خاڵی هەیە مەترسی دابەزینیشی بۆ خولی پلە یەکی هۆڵەندا لەسەرە.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger