رووداو – هەولێر
ئارسین ڤینگەر، بەڕێوەبەری هونەری یانەی ئارسیناڵی ئینگلیزی، وەڵامی داواکاری هاندەرانی یانەکەی بۆ وازهێنان لە پۆستی بەڕێوەبەری هونەری یانەکە دەداتەوە و دەڵێت یانەکە بەجێناهێڵم.
رۆژنامەی دەیلی ئێکسپرێسی بەریتانی رایگەیاندووە، لە چەند یاری رابردوودا بەچەندین شێوەی جۆرا و جۆر هاندەرانی یانە ئینگلیزییەکە بە بەرزکردنەوەی بانەر داوای رۆیشتنی ئەو راهێنەرەیان لە یانەکە کردووە، بەڵام ئارسین ڤینگەر دەڵێت: من ئەو یانەیەم دروستکردووە و بەئاسانی دەستبەرداری نابم.
لە بەشێکی دیکەی قسەکانیدا راهێنەرە فەڕەنسییەکە گوتی، بەردەوام کار بۆ بەرەوپێشبردنی یانەکە و هەوڵ بۆ کاری باشتر دەدەین و نامەوێت لەگەڵ هاندەرانی یانەکە گفتۆگۆ بکەم.
ئەمشەو لە یاری گەڕانەوەی قۆناخی شازدەی خولی یانە پاڵەوانەکانی ئەوروپا یانەی ئارسیناڵ لە دەرەوەی یاریگای خۆی دەبێتە میوانی یانەی بارسێلۆنا.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ