.
رووداو - هەولێر
لە کەشو هەوایەکی زۆر سارد و لەژێر پلەی گەرمای ژێر سفردا، 1500 ژن و پیاو لە 35 وڵاتی جیاجیا بەشدارییان کرد لە پاڵەوانێتی مەلەوانی زستانە کە رکابەرییەکانی لە تالینی پایتەختی ئیستۆنیا بەڕێوەچوون و بەشداربووان لە نێو ئاوێکی زۆر سارددا رکابەری دەکەن.
لە کەناراوێکی ئاوی تالینی پایتەختی ئیستۆنیا لە باکووری رۆژهەڵاتی ئەوروپا لەسەر دەریای بالتیک.
1500 کچ و کوڕ ئامادەن بۆ بەشداری کردن لە رکابەری مەلەوانی زستانەی 2018.
لەژێر کەش و هەوای زۆر سارد کە پلەکانی گەرما لە ژێرەوەی سفردان، لەنێو ئاوێکی زۆر ساردا رکابەری دەکەن.
رکابەرییەکانی مەلەوانیەکە سێ جۆربوون، 25 مەتری، ئەوەی دیکەیان سنگەمەلە بۆ 50 مەتر و دواهەمینیشیان مەلەوانی ئازاد.
مەلەوانەکان لە 35 وڵاتی جیاجیاوە بەشداربوون، کە زۆربەیان لە ئوسترالیا، بەرازیل، ئەرجەنتین، ئەمریکا و وڵاتانی ئەسکەندەناڤیاوە هاتبوون.
رکابەرەکان چوونە نێو ئاوە ساردەکەو لەسەر ئاستی خانمان و پیاوان رکابەرییەکان تووند بوون.
بەشداربووانی وڵاتانی ئەسکەندەناڤیا لەسەر هەردوو ئاستەکە یەکەم بوون.
بەتەمەنترین بەشداربوو تەمەنی 93 ساڵ بوو و بچووکترینیشیان منداڵیکی تەمەن 10 ساڵان بوو.
لە دەرەوەی مەلەوانگەکە کە هەمووی بە بەفرو و شەختە داپۆشرابوو، گەرماوی جاکۆزی ئامادەکرابوون و بەشداربووان دوای هاتنە دەرەوەیان راستەوخۆ دەچوونە نێو گەرماوەکە.
ئەوەی سەیریش بوو ئەوەبوو، کەسێک ئۆتمبێلێکی کۆنەی هێنابوو، کردبوویە ساونای هەڵمی و بەشدار بووان دوای مەلەوانییەکە رکابەرییان دەکرد خۆیان بخەنە ناویەوە.
پێداچوونەوە: ئەرسەلان عەبدوڵڵا
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ