زەواهیری پێکهێنانی باڵێکی قاعیدەی لە نیمچە کیشوەری هیند راگەیاند

رووداو - هەولێر 

ئەیمەن زەواهیری، سەرۆکی رێکخراوی قاعیدە لە گرتەیەکی ڤیدیۆیدا پێکهێنانی باڵێکی رێکخراوەکەی لە نیمچە کیشوەری هیند راگەیاند و داواشی لە ئەندامانی رێکخراوەکە کرد کار بۆ بڵاوکردنەوەی حوکمی ئیسلام و بەرزکردنەوەی ئاڵای جیهاد لە تەواوی ئەو ناوچەیەدا بکەن.

زەواهیری لەو گرتە ڤیدیۆییەدا پێکهێنانی ئەو باڵەی رێکخراوی قاعیدەی بە موژدەیەک بۆ موسڵمانان لەقەڵەمدا و بە رزگاکردنی موسڵمانانیشی لە ژێر دەستی ستەم و سەرکوتکاری داناوە.

نیمچە کیشوەری هند پێکدێت لە وڵاتانی هیندستان و پاکستان و بەنگلادش و نیپال و بۆتان و سریلانکا و مالدیڤ.

دوای بڵاوبوونەوەی گرتە ڤیدیۆییەکەی ئەیمەن زەواهیریش، هێزە ئەمنییەکانی هیندستان هۆشداری ئەمنیان لە چەندین ولایەتی هیندستان راگەیاند.

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger