لە دهۆک 32 پاڵاوگەی نایاسایی دانەخراون

رووداو - دهۆک 

دوای پێنج مانگ لە بڕیاری داخستنی پاڵاوگە نایاساییەکان، تاوەکو ئێستا 32 پاڵاوگەی نایاسایی لە دهۆک کاردەکەن، زۆربەی پاڵاوگەکان لە نزیک شاری دهۆک و شوێنەکانی نیشتەجێبوون دروستکراون و ستاندارەکانی پاراستنی ژینگە و تەندروستییان تێدا رەچاونەکراوە.

لە چەند ساڵی رابردوو کە ئەو پاڵاوگانە کراونەتەوە، بە دەیان هەزار ماسی لە رووبارەکانی دەوروبەری بەنداوی موسڵ ژەهراوی بوونە و چەندین جۆگەلە و رووبار کە بۆ کاری کشتوکاڵی بەکاردەهێندران ژەهراوی بوونە و بەکەڵکی ئەوە نایەن کە جووتیاران بەکاریان بێنن.

بەڕێوەبەری فەرمانگەی دهۆک دەڵێت، چەندین جۆر گازی ژەهراوی بکوژ لە هەوای پارێزگای دهۆک بڵاوبووەتەوە و داتایان لەبەردەستە کە ناوچەکانی نزیک پاڵاوگەکان گونجاون نین بۆ ژیانی مرۆڤ و ئاژەڵەکان.

داڕشتنەوە؛ راوچی حەسەن 

• به‌شی بكه‌ لە
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger