Hewlêr (Rûdaw) - Bihayê onsa zêr îro bi vebûna bazarên Asyayê re gihişt 5 hezar û 70 dolaran.
Di nava 24 demjimêrên borî de onsa zêr 400 dolaran biha bû.
Çima biha bû?
Ev bihabûn piştî derketina aloziyên di navbera Washington û Tehranê de çêbû ku hilberîneran berê xwe da kirîna zêr.
Li gorî raporên nûçeyan, artêşa Amerîkayê droneke Îranê ya ku berê xwe dabû keştiya balafiran a USS Abraham Lincolnê ya li Deryaya Umanê xist xwarê.
Her wiha keştieyke leşkerî ya Îranê li Tengava Hurmizê nêzîkî keştiyeke petrolê ya Amerîkayê bûye û hewl daye dest deyne ser lê hewldan bi ser neketîye.
Divê were gotin ku roja înê her du welat dê li ser mijara atomê dest bi dan û standinan bikin lê aloziyên meydanî bûne sedema bihabûna kanzayan.
Kirîna zêr jî sedemeke din a bihabûna zêr e.
Banka ANZyê di rapora xwe ya herî nû de dibêje, "Sedemên bingehîn ên bihabûna zêr hîn wekî xwe mane, daxwaza li ser a wekî stargeheke aram, kirîna zêrê fîzîkî û berdewamiya bankên navendî yên cîhanê ya di kirîna zêr de wisa dikin ku zêr biha bibe."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse