Hewlêr (Rûdaw) - Li gorî kovara Forbesê, hebûna aborî ya Birêvebirê Şirketa Teslayê Elon Musk êvara Înê gihîşt 749 milyar dolaran.
Dadgeha Bilind a Delawareyê ya Amerîkayê pakêta xelatan a Elon Musk pesend kir.
Bi pesendkirina wê pakêta 139 milyar dolaran re, hebûna aborî ya Musk derket 749 milyar dolaran.
Pakêta xelatan a Elon Musk rêkeftineke di navbera birêvebiriya şirketê û Musk de bû sala 2018an biryar li ser hatibû dayîn.
Wê demê nêzîkî 56 milyar dolar bû lê gelek caran ji aliyê dadgehê ve hatibû redkirin.
Biryara Dadgeha Bilind a Eyaleta Delawareyê pakêta xelatên Musk diyar kir.
Destpêka hefteya borî Musk bû kesê yekem ê di dîrokê de ku hebûna wî ya aborî derket ser 600 milyar dolarî.
Meha 11an a îsal jî birêvebiriya Teslayê pakêteke nû ji bo meaş û xelatên Musk pesend kir.
Biha an jî qîmeta wê pakêtê trilyonek dolar e.
Ev pakêt bi mercê ku armancên şirketê heta sala 2035an bi dest bixe dê bidine Musk.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse