Danasîna Festîvala Fîlman a Amedê hat kirin /Wêne: Rûdaw
Amed (Rûdaw) - Danasîna Festîvala 3yemîn a Fîlman a Navneteweyî ya Amedê li navçeya Sûrê li Qesra Cemîl Paşa hat kirin.
Festîval dê bi hevkariya şaredariya Amedê û Akademiya Sînemeya Rojhilata Navîn were birêvebirin.
Serlêdana filman a ji bo festîvalê di 1ê hezîranê de dest pê kir û dê di 1ê Tîrmehê de biqede.
Festîval jî dê di 9-16an a meha Mijdara 2025an de were li dar xistin.
Şaredariya Bajarê Mezin a Amedê û Akademiya Sînemeya Rojhilata Navîn bi bernameyek taybet û bi dirûşma "Cîhan bi çîrokan tê ba hev" danasîna 3yemîn Festîvala Fîlman a Amedê kirin.
Bername li navçeya Sûrê ,li Qesra Cemîl Paşa hat birêvebirin û wêneyê sînemager û siyasetmedar Sirri Sureyya Onder jî li gel wêneyê Yilmaz Guney bi dîwarên qesrê va hatin daliqandin.
Her bi helkefta destpêkirina Ferstîvala Fîlman a Amedê Sirri Sureya Onder carek din hat bibîranîn.
"Kurd hêjayî gelek nirxên bi rûmet in"
Seroka Daîreya Çand û Hunerê ay Şaredariya Bajarê Mezin a Amedê Zeynep Yaşê got:
"Kurd layîqî gelek nirxên bi rûmet yê mirovahiyê ne. Ew jî çand û huner e.
Ji ber wê jî rastî em hewldaneke bêhempa didin ku vira wekî dile kurdistanê bi hinere biavêje."
Di demeke ku çalakiyên çandî û hunerî li Amedê zêde bûne bi lidarxistina festîvala fîlman tê xwestin ku Amed bibe navendeke sereke ya hunerê.
"Em dê ji ronahiyê neqetin"
Hevşaredara Bajarê Mezin a Amedê Serra Bûcakê li ser festîvalê got:
"Di vê rêya berxedanê de fîlma Yilmaz Guney Yol (Rê) heye, şopa Xelîl he ye û her waha diyalogên Sirri Sureyya Onder ên ku li gel meriv dikenine û dide fikirandin jî hene.
Ev her hemû bi hevra rê û ronahiya me ya xeta me ya çand û hunere ne. Em liv ir dubare dikin ku em ê ji vê ronahiyê neqetin."
Di bernameya ku Hevşaredarên Amedê jî beşdar bûn de kemanjen û bestekarê navdar yê Dihokî Dilşad Seîd jî konserek da û bi kemana xwe berhemên herî navdar zindî kirin û dengê muzîka xwe li kevirên dîrokî yê Qesra Cemîl Paşa û beşdaran da bîhîstin.
Li gorî bernameya diyarkirî, serlêdana fîlman a ji bo festîvalê di 1ê Hezîranê de dest pê kir û dê di 1ê Tîrmehê de bi dawî bibe.
Festîval jî dê di navbera 9 û 16ê meha Çiriya Paşîn de were li dar xistin
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse