Mem Ararat bi klîpeke hişê çêkirî strana 'Sebahul Xeyr' vejand

Hewlêr (Rûdaw) - Hunermendê navdar Mem Ararat strana klasîk a Zubêr Salih a bi navê "Sebahul Xeyr" ku gotinên wê ji helbesta Melayê Cizîrî hatine wergirtin, bi aranjmaneke nû û klîpeke taybet ji nû ve şirove kir.

Taybetiya herî balkêş a klîpê ew e ku bi tevahî bi hişê çêkirî (AI) hatiye amadekirin.

Di klîpê de bi hişê çêkirî dîmenên fantastîk ên erdnîgarî, dîrok û çanda Kurdistanê tên nîşandan.

Ji Sûra Amedê heta Keleha Hewlêrê, ji Perestgeha Lalişê heta Çiyayê Nemrûdê, ji Qesra Îshaq Paşa heta Dêra Axtamarê gelek cih û sembolên girîng ên Kurdistanê di nav dîmenan de cih digirin.

Di klîpê de teyrê quling wekî motîfeke serekî derdikeve pêş û li seranserî erdnîgariya Kurdistanê digere.

Ev klîp wekî sefereke dîtbarî û xeyalî di nav dîrok û xwezaya welêt de ye.

Strana "Sebahul Xeyr" yek ji berhemên klasîk ên muzîka Kurdî ye.

Mem Ararat bi vê xebata xwe pirekê di navbera helbesta klasîk a Melayê Cizîrî, muzîka nemir a Zubêr Salih û teknolojiya herî nûjen a serdemê de ava dike û mîrateyeke çandî bi şêwazeke modern pêşkêşî nifşê nû dike.

#VÎDEO - Mem Ararat strana ❝Sebahul Xeyr❞ şirove kir û bi hişê çêkirî klîpek jê re amade kir

Hunermend Mem Ararat (@araratmemm ) bi vê xebata xwe pirekê di navbera helbesta klasîk a Melayê Cizîrî, muzîka Zubêr Salih û teknolojiya herî nûjen a serdemê de ava dike pic.twitter.com/bwFxE4bzAe

— RudawKurdi (@RudawKurdi) September 16, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger