Stranbêja Fransî Eléonore Fourniau straneke Kurdî weke klîb belav kir

Hewlêr (Rûdaw) - Stranbêja Fransî û mûzîkjen Eléonore Fourniau klîpeke nû bi zimanê Kurdî belav kir.

Stranbêja Fransî Eléonore Fourniau li ser hesabêb xwe yên medyaya civakî strana “Lawo” ya bi Kurdî weke klîb belav kir.

Tekst û awazê vê stranê bixwe Kurdî ye û ji aliyê hunermend Cewad Merwanî ve hatiye berhevkirin û karê wê yê mûzîkê jî ji aliyê Burak Keleş ve hatiye kirin.

Derhêneriya klîbê jî Stephan Talneau lixwe girtiye.

Eléonore Fourniau sala 1987ê li paytexta Fransayê bajarê Parîsê jidayîk bûye û ji bilî Fransî, bi zimanên Kurdî û Tirkî jî stranan dibêje.

Di salên 80an de ji bo demekê malbata wê li Tirkiyê jiya ye. Eléonore Fourniau heya niha li welatên weke Fransa, Almanya, Belcîka, Swîsre, Swêd, Tirkiye, Finland, Ispanya, Mexrîb, Hindistan, Kanada û Australyayê konsert lidar xistine.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger