Ahenga îmzekirina dîwana Mele Nûriyê Hesarî bi rê ve çû
Hewlêr (Rûdaw) - Li bajarê Qamişloyê yê Rojavayê Kurdistanê ahenga îmzekirina dîwana Mele Nûriyê Hesarî bi rê ve çû.
Her du bergên helbestvan Mele Nûriyê Hesarî ku bi navê Perîşan jî tê naskirin û Rûdawê ew her du berg çap kirine û belav kirine, bi merasîmekê hatin îmzekirin.
Mela Nûriyê Hesarî di piraniya berhem û helbestên xwe de cihekî girîng dida zimanê Kurdî û pirsa neteweyî.
Mele Nûriyê Hesarî bi zimanên Erebî û Farisî jî dizanî.
Di merasîma îmzekirinê de kurê wî Ebdulwehab Mele Nûrî jî beşdar bû.
Mele Nûriyê Hesarî li Bakurê Kurdistanê li gundê Hesarê sala 1934an ji dayik bû û sala 2011ê li Qamişloyê koça dawî kir.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse