Hunermendê Efrînî Ciwan Hesen li Şehbayê hatiye girtin

Hewlêr (Rûdaw) - Hunermendê ji Efrîna Rojavayê Kurdistanê Ciwan Hesen ji ber rexnekirina saziyên tenduristî ya li herêma Şehbayê, ji aliyê asayîşa Rêveberiya Xweser ve hatiye girtin.

Li gorî zaniyariyên Rûdawê, hunermend Ciwan Hesen çend roj berî niha di tomareke vîdyoyî de rexne li serederiya saziyên tendirustiyê û saziyên din ên Rêveberiya Xweser li herêma Şehbayê girtibû û ji ber rexneyên girêdayî xizmeta tenduristî li devera Şehbayê û li ser giliya navendeke tenduristî ji aliyê asayîşa Rêveberiya Xweser ve li herêma Şehbaê hatiye girtin.

Hunermend Ciwan Hesen li herêma Efrînê, hunermendekî naskirî ye û heta niha gelek stran û kilîp li ser Efrînê çê kirine.

Ew hunermendê Kurd jî weke gelek hunermend û rewşenbîrên Efrînê û piraniya xelkê wê herêmê, piştî êrîşa Tirkiyê û çekdarên oposizyona Sûriyê, ji bajarê xwe koçberî herêma Şehbayê bûye û li kampên koçberên Efrîrî yên li Şehbayê li gel malbata xwe dijî.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger