Hewlêr (Rûdaw) - Piştî belavbûna nûçeyên li ser rawestandina hinartina petrola Herêma Kurdistanê, Birêvebirê Kompanyaya Petrolê ya Bakur ragihand ku ew rêkareke asayî bûye û hinartin ji nû ve dest pê kiriye.
Birêvebirê Kompanyaya Petrolê ya Bakur Amir Xelîl îro Rûdawê re ragihand, "Rawestandina hinartina petrolê rêkareke asayî û teknîkî ye û ji bo çend demjimêran hat rawestandin, ji ber ku depoyên petrolê yên li Bendera Ceyhanê tije bûbûn."
Amir Xelîl got, "Doh keştiya yekem a petrola Herêma Kurdistanê hat firotin û di nava du rojên bê de jî dê keştiya duyem a petrolê li Ceyhanê were firotin."
Birêvebirê Kompanyaya Petrolê ya Bakur amaje pê kir ku niha depoyên petrolê hatine valakirin û hinartina petrolê careke din dest pê kiriye.
“Barê petrolê dê biçe Ewropayê”
Amir Xelîl li ser firotina petrola Herêma Kurdistanê ya li Bendera Ceyhanê got:
"Barê petrolê ya keştiya yekem û ya duyem jî dê ji bo bazarên Ewropayê be."
Wî her wiha got, "Keştiya doh 650 hezar bermîl hilgirtibû."
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse