Stranbêj Ebdilqadir Silêman koça dawî kir

Hewlêr (Rûdaw) - Stranbêjê ji bajarê Qamişloyê yê Rojavayê Kurdistanê Ebdilqadir Silêman koça dawî kir.

Ebdilqadir Silêman yek ji stranbêjên navdar ên Rojavayê Kurdistanê bû.

Gelek stranbêjên Kurd ku Şivan Perwer jî di nav wan de ye, stranên wî gotine.

Ebdilqadir Silêman ji bajarê Qamişloyê yê Rojavayê Kurdistanê ye.

Ew beşdarî gelek şahiyên bûk û zavayên Kurd bûye û bi saz û dengê xwe dîlana keç û xortên Kurd xweş kiriye.

Ebdilqadir Silêman piştî ku sala 2011ê şerê navxwe yê Sûriyeyê dest pê kir, koçî bajarê Dihokê yê Başûrê Kurdistanê kiribû.

Ebdilqadir Silêman sala 1969an dest bi karê stranbêjiyê kir.

Ew ji ber ku li Rojavayê Kurdistanê gotina stranên neteweyî yên Kurdî qedexe bû li rastî gelek zilm û zordariyan hat.

Stranbêjê ji Rojavayê Kurdistanê îro li nexweşxaneyeke Dihokê koça dawî kir.

🔴 #Bilez

Stranbêjê ji Qamişlo ya Rojavayê Kurdistanê Ebdilqadir Silêman koça dawî kir pic.twitter.com/a2ULE4Zbhr

— RudawKurdi (@RudawKurdi) September 4, 2023

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger