Hewlêr (Rûdaw) – Hêzên Sûriyeya Demokratîk (HSD) ragohand ku bûyera Dêr Hafirê ne êriş e, qezaya trafîkê ye.
HSDyê daxuyaniya Wezareta Parastinê ya Hikûmeta Demkî a Sûriyeyê derewand û ragihand ku bûyera li Dêr Hafirê tenê qezayeke trafîkê bûye.
Navenda Ragihandinê ya HSDyê diyar kir ku piştî şopandin û lêkolînê derketiye holê ku bûyera li nêzîkî Dêr Hafirê ne leşkerî ye.
Wezareta Parastinê ya Hikûmeta Demkî îdia kiribû ku HSDyê êrişî bendeke wan a kontrolê kiriye.
"Ne êriş e, qeza ye"
HSDyê di daxuyaniya xwe de ev agahî dan:
"Berevajî îdiayan, diyar bû ku ew qezayek bûye.
Otomobîleke sivîl û wesayîteke Polîsên Leşkerî yên girêdayî komên Şamê li hev qelibîne."
"Hewldana zêdekirina rageşiyê"
HSDyê aliyê beramber bi mezinkirina bûyerê û berovajîkirina rastiyê tohmetbar kir û got ku wan xwestiye "vegotineke ewlehiyê ya bêbingeh" çêbikin.
Her wiha hat tekezîkirin ku HSD pêbendî xweragirtinê ye û baldar e ku nekeve dû hewldanên zêdekirina rageşiyê.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse