Hewlêr (Rûdaw) - Li navçeya Rêya Hermûşê ya Wanê agir bi beşeke tesîsên kafiroşan ket û piştî du demjimêran agir ji aliyê tîmên agirvemirandinê ve hat kontrolkirin.
Derengên şeva bihorî 5ê Hezîrana 2023an li sîteya Kafiroşan a li navçeya Rêya Hermûşê ya Wanê agir bi beşek ji kargehan ket.
Agir di demek kurt de ji ber hêza bayê zêde gur bû û li sîteya kafiroşan belav bû.
Li ser agahdarkirinê tîmên vemirandina agir çûn cihê bûyerê û ji bo vemirandina agir dest bi xebatan kirin.
Tîmên ser bi Rêveberiya Ewlekariya Wanê jî bi wesayitên TOMA tevli xebatên vemirandina agir bûn.
Herwha tîmên tendirustiyê jî bi ambulansan çûn cihê bûyerê û çareseriya wan kesan kirin ku dûkelê bandor li wan kiribû.
Di xebatên vemirandina agir de 16 wesayit û 44 personel beşdar bûn û piştî 2 saetan agir hat kontrolkirin.
Ji bajarê Wanê û qezayên derdorê jî tîmên agirkuj beşdarî di xebatên kontrolkirina agir de beşdar bûn.
Heta niha sedema agirpêketinê nehatiye zanîn û derbarê bûyerê de lêkolîn hatiye destpêkirin.
Hat ragihandin karûbarên vemirandina agir berdewam in û tîm hewil didin agir kontrol bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse