Hewlêr (Rûdaw) - Dayîka Aştiyê Turkan Çelîkê koça dawî kir ku bi salan bû ji bo aştiyê têkoşîn dikir.
Dayîka Aştiyê Turkan Çelîk ji ber pirsgirêkên tenduristiyê koça dawiyê kir.
Ew 72 salî bû û li Amedê dijiya.
Cenazeyê Turkan Çelîkê li Goristana Yenîkoyê ya li navçeya Rezanê hat veşartin.
Bi hinceta propagandayê hatibû girtin
Turkan Çelîk yek ji damezirênera Koma Dayîkên Aştiyê bû.
Her wiha ew yek ji wan 24 Dayîkên Aştiyê bû ku sala 2006an li Amedê bi hinceta protestokirina şert û mercên Abdullah Ocalan hatibûn desteserkirin.
Wê demê Turkan Çelîk bi hinceta "propagandaya rêxistinê" hatibû girtin û 70 rojan di girtîgehê de mabû.
Ji bo Turkan Çelîkê li Mala Şînê ya Bahattîn Demîrcanê ya li Amedê şîn hatiye danîn.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse