Hewlêr (Rûdaw) - Li navçeya Siwêregê ya Rihayê, motorsîklet û otomobîlek li hev qelibîn û di encamê de şofêrê motorsîkletê canê xwe ji dest da.
Li ser rêya Siwêreg-Kolikê motorsîkleta ku şofêrê wê Ahmet Bayramê 37 salî bû, li otomobîla ku şofêrê wê Hasan H.yê 68 salî bû da.
Ahmet Bayram ji ser motorsîkletê firiya û bi giranî birîndar bû.
Li ser agahdarkirinê tîmên tenduristiyê çûn cihê bûyerê.
Tîmên tenduristiyê Ahmet Bayram veguhast Nexweşxaneya Dewletê ya Siwêregê lê tevî midaxeleyan li nexweşxaneyê canê xwe ji dest da.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse