Li ser rêya Qamişlo-Hesekê otomobîlek hat bombebarankirin

Hewlêr (Rûdaw) – Li ser rêya Qamişlo-Hesekê li Rojavayê Kurdistanê otomobîlek hat bombebarankirin.

Li gor agahiyên ji çavkaniyên xwecihî ve, îro li ser rêya M4 a navdewletî ya di navbera bajarên Qamişlo û Hesekê yên Rojavayê Kurdistanê de otomobîlek hat armanckirin.

Tê texmînkirin ku êriş bi rêya dronekê ve hatibe encamdan.

 Li gor zanyariyan, otomobîla ku hatiye armanckirin ji corê Hyundai Santa Fe ye.

Hêj derbarê hûrgiliyên êrîşê û zirarên wê de ti agahê nehatine bidestxistin.

Hêzên Sûriyeya Demorkatîk (HSD) û Asayişa Rêveberiya Xweser a Rojavayê Kurdistanê hêj derbarê bûyerê de ti daxuyanî nedane.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger