Parêzgarê Hisîçayê: Vegera koçberan karê min ê pêşî ye

Hewlêr (Rûdaw) - Parêzgarê nû yê Hisîçayê (Hesekê) ragihand ku vegera koçberên ji bajarê Serê Kaniyê karê wî yê li pêşî ye.

Parêzgarê Hisîçayê Nûredîn Ehmed doh şandeyeke Komîteya Koçberên Serê Kaniyê pêşwazî kir û mijara vegera koçberan li gel wan gotûbêj kir.

Endamekî şandeya Komîteya Koçberan ji Rûdawê re ragihand ku Nûredîn Ehmed ji wan re gotiye ku niha vegera koçberan a herêma xwe "karê wî yê sereke ye."

Komîteya Koçberên Serê Kaniyê piştî hevdîtina li parêzgehê di daxuyaniyekê de ragihandibû ku parêzgar ji wan re diyar kiriye ku ji bo vegera koçberan dê karekî cidî li gel hikûmeta demkî Şamê bê kirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger