Hewlêr (Rûdaw) - Serokê MHPyê Devlet Bahçelî piştî merasîma çekdanînê ya PKKyê, ji bo Demîrtaş peyam şandiye û gotiye, "Di pêkhatina vê encamê de keda wî gelekî hêja û bibandor bû, heke hûn bi vê wesîleyê spasiyên min jê re ragihînin ez dê kêfxweş bibim.”
Doh li Şikefta Caseneyê ya Silêmaniyê merasîma îmhakirin û şewitandina çekan a gerîlayên PKKyê hat lidarxistin.
Li gorî agahiyên Serbestiyetê, Serokê MHPyê Devlet Bahçelî, piştî merasîma çekdanînê ya PKKyê ya li Silêmaniyê bi telefonê li parêzerê Selahattîn Demîrtaş ê li Edîrneyê geriyaye.
Bahçelî, da ku ji Demîrtaş re bê ragihandin, wiha got:
“Di derketina holê ya vê encamê de keda wî gelekî hêja û bibandor bû.
Bi vê wesîleyê, heke hûn spasî, silav û rêzên min jê re ragihînin ez dê gelekî kêfxweş bibim.”
Parêzerê wî peyam gihand Demîrtaşê ku li Girtîgeha Edîrneyê ye.
Demîrtaş jî bi destxeta xwe peyamek ji Bahçelî re nivîsandiye û ji ber tevkariyên wî spasiyên xwe, silav û rêzên xwe pêşkêş kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse