Hewlêr (Rûdaw) - SOHRê ragihand ku çekdarên koma bi navê “Lîwaya Semerqendê” a girêdayî “Artêşa Niştimanî” ya li Efrîna Rojavayê Kurdistanê bi ser malekê de girtiye û talan kiriye.
Li gorî Rewangeha Mafên Mirovan a Sûriyeyê (SOHR), çekdaran li gundê Rûtayê yê navçeya Mabatayê bi ser mala welatiyekî 60 salî de girtiye, destdirêjî li hevjîna wî kiriye û pere û zêrên wan dizîne û piştre reviyane.
Hat zanîn ku xwediyê malê bi darê zorê hatibû koçberkirin û vê dawiyê vegeriyabû da ku mala xwe nûjen bike û berhema xwe ya zeytûnan kom bike.
SOHRê her wiha ragihand ku li gundê Çeqelê Comê yê navçeya Cindirêsê ya Efrînê, çekdaran li welatiyekî 50 salî û hevjîna wî da bûn.
Çekdaran zêr, pere û telefonên wan dizîbûn û gefa kuştinê li wan xwaribû.
Li gorî çavkaniyên SOHRê, unîformayên hêzên ewlehiya giştî yên hikûmeta Sûriyeyê li wan çekdaran bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse