Civîna serok Barzanî û Balyozê Amerîkayê yê li Iraqê Matthew H. Tueller, roja Çarşembê 16ê Sibata 2022. Wêne: Baregeha Barzanî
Hewlêr (Rûdaw) – Serok Barzanî îro li ofîsa xwe li bajarokê Selahedînê pêşwazî li Balyozê Amerîkayê yê li Iraqê Matthew H. Tueller kir û di civînekê de, rewşa siyasî û pêşhatên herî dawî yên li Iraqê gotûbêj kirin.
Îro Çarşembê 16ê Sibata 2022 li bajarokê Selaheddînê Serok Mesûd Barzanî pêşwazî li Balyozê Amerîkayê yê li Iraqê Matthew H. Tueller û Konsolê Giştî yê Amerîkayê yê li Hewlêrê Robert Palladino kir.
Li gor daxuyaniya Baregeha Barzanî, di hevdîtinê de rewşa Iraqê û pêşhatên dawî û hevkêşeyên li nav proseya siyasî ya Iraqê û pêngavên destûrî yên piştî yekem civîna Parlamentoya Iraqê hatin gotûbêjkirin.
Di vê civînê de tekezî li ser pêwîstiya hevahengî û pêwendiya di navbera hêzên siyasî û pêkhateyên Iraqê de hat kirin. Di demekê de ku zêdeyî heftiyekê bi sedema lihevnekirina ser berbijarekî hevbeş bo serokkomariyê, mijara destnîşankirina serokkomar hatiye paşxistin û rêjeya yasayî bo civînê nehatiye temamkirin.
Di beşeke vê civînê de Balyozê Amerîkayê yê li Iraqê da xuyakirin ku welatê wî bi hurî giringiyê dide guhertin û rudanên siyasî yên Iraqê û hemû aliyan, hem Herêma Kurdistanê û hem Hikûmeta Iraqa Federal a Iraqê teşwîq dike ji bo hevdûtêgihiştin û hevahengiyê daku giriftan çareser bikin.
Balyozê Amerîkayê yê li Iraqê herwiha destnîşan kiriye ku Amerîka pabendî ewlehî û aramî û pêşketina Iraq û Herêma Kurdistanê ye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse