Kurdistan
Li gelek bajarên Rojhilatê Kurdistanê bazar û dikan girtî ne û greva giştî weke nerazîbûna li dijî desthilatê di roja xwe ya sêyem de berdewam e.
Hewlêr (Rûdaw) – Îro li hejmarek bajarên Rojhelatê Kurdistanê, greva giştî di sêyemîn roja xwe de berdewam bû û xelkê dikan û bazar nevekirin.
Li gor dîmenên ku hatine belavkirin, li bajarên Mihabad, Bokan, Pîranşar, Şino li parêzgeha Urmiyê, herwiha li bajarên Bane, Sine, Kamyaran, Dîwandere û Merîwanê yên parêzgeha Sineyê greva giştî îro jî berdewam kir.
Li wan bajaran bazar hema hema bi temamî girtî ne û xelkê dikanên xwe nevekirine. Li wan bajaran doh û şevê din xwepêşandanên girseyî pêk hatin û xelk li hin bajaran heta derengê şevê li kolanan û li ser cadeyan man.
Di nava 2 rojên derbasbûyî de di xwepêşandanên li Rojhilatê Kurdistanê de, 10 kesan bi guleyên hêzên emnî yên Îranê canê xwe ji dane û hejmarek kes jî birîndar bûne.
Li gor bangewazên ku ji aliyê çalakvan û rêxistinên sivîl ve hatine kirin tê çaverêkirin ku îro jî li Rojhilatê Kurdistanê xwepêşandanên berfireh bên lidarxistin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse