Şaşiyek çêbû. Tika ye paşê dîsa hewl bide.
Li Colemêrgê bi ahengeke mezin hat pêşwazîkirin
Colemêrg (Rûdaw) - Li parêzgahê Colemêrgê Newroz bi ahengeke mezin hat pêşwazîkirin. Di ahenga newrozê de xelkê Colemêrgê, parlementerên HDP Meral Daniş Beştaş û Sait Dede û berpirsên HDPê yên parêzgahê Colemêrgê beşdar bûn.
Bi cilûbergên xwe yên rengîn xelkê Colemêrgê derbasi qada Newrozê bûn û hatina Newrozê li ber Çiyayê Simbilê bi çoşeke mezin pîrozkirin.
Hemwelatî Huseyin Musa Sadiq jî got: “Ez Newroza Kurdistanê pîroz dikim hêvî dikim Newroz bibe serkevtina gelê me, Xwedê tifaqê bide gelê kurd.”
Xelk di bin kontrola asayişe de derbasi qadê bun û berpirsê asayişa Colemêrgê bi xwe jî seredana qada Newrozê kir. Xelkê hêviyên xwe ji bo aştî u azadiyê dubare kirin.
Hemwelatî Songul Şahîn jî got: “Em aştî û azadî dixwazin inşellah em dê biserkevin Newroza me gellek xweş bû.”
Hemwelatî Mistefa Acar jî got: “Dema mirov dibêje Newroz azadî tê bîra mirovan dema mirov dibêje newroz bihar û bêhna gul rihan û beybûnan tê bîra mirov.”
Li seranserê parêzgaha Colemêrgê îsal newroz bêyî kêşe û arişe bi beşdariyeke berfireh a xelkê hat pêşwazîkirin
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse