Li Amedê agir bi bîreke petrolê ket: 8 kes birîndar bûn

Hewlêr (Rûdaw) - Li Amedê agir bi bîreke petrolê ya Şirketa Navneteweyî ya Petrolê ya Tirkiyeyê (TPIC) ket û 8 kes birîndar bûn.

Li ser rêya parêzgehên Amed û Êlihê yên Bakurê Kurdistanê şeva borî ji ber sedemeke nediyar agir bi bîra petrolê ya Uçtepe-1ê ya Şirketa Navneteweyî ya Petrolê ya Tirkiyeyê (TPIC) ket.

Li ser agahdarkirinê tîmên tenduristiyê, agirvemirandinê û cendirme sewqî cihê bûyerê hatin kirin.

Di şewatê de 8 kes birîndar bûn.

Tîman birîndar bi ambulansan birin nexweşxaneyan.

Hat zanîn ku karmendên li bîra petrolê vana girtiye û bi vî awayî rê li ber mezinbûna şewatê hatiye girtin.

#VÎDEO - Li ser rêya Amed-Êlihê agir bi bîreke petrolê ya Şirketa Navneteweyî ya Petrolê ya Tirkiyeyê (TPIC) ket

🔴 8 kes birîndar bûn pic.twitter.com/0GCt27bm4P

— RudawKurdi (@RudawKurdi) July 25, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger