Mesrûr Barzanî: Referandûm roja biryara wêrek a gelê Kurdistanê bû

Hewlêr (Rûdaw) - Serokwezîrê Herêma Kurdistanê Mesrûr Barzanî bi boneya salvegera Referandûma Serxwebûnê peyameke pîrozbahiyê ji gelê Kurdistanê, serkirdayetiya siyasî û Pêşmergeyan re şand.

Serokwezîr di peyama xwe de salvegera referandûmê wekî "Roja biryara wêrek a gelê Kurdistanê" û "Roja serkeftina îradeya neteweya me" bi nav kir.

Mesrûr Barzanî her wiha amaje bi wê yekê jî da ku ew roj, roja hêviyê bû ji bo bidestxistina mafê çarenivîsê.

Mesrûr Barzanî di beşeke din a peyama xwe de, pîrozbahiyên xwe yên germ ji Rêber û Pêşmerge Serok Barzanî, "malbatên serbilind ên şehîdan, Pêşmergeyên qehreman û gelê niştimanperwer û berxwedêr ê Kurdistanê" şand.

Wî tekezî li ser rola Pêşmergeyan û qurbaniyên şehîdan ên di parastina ax û nirxên neteweyî de kir û got, ev yek bû sedema bihêzkirina bingehên biryara referandûmê.

Referandûma Serxwebûnê ya Herêma Kurdistanê 25ê Îlona 2017an bi serokatiya Serok Barzanî hatibû lidarxistin.

#GRAFÎK - Serokwezîr Mesrûr Barzanî di salvegera Referandûma Serxwebûna Kurdistanê de got:

🗨️ Salvegera Referandûmê, roja serkeftina vîna me ya neteweyî li pêşeng, rêber û Pêşmerge Serok Barzanî pîroz be #Kurdistan #Kurdistan_Independence_Referendum pic.twitter.com/1QTHGCI17A

— RudawKurdi (@RudawKurdi) September 25, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger