Hewlêr (Rûdaw) – Li ser sînorê Baneyê yê Rojhilatê Kurdistanê kolberek hat kuştin û kolberek jî birîndar bû.
Şeva borî hêzên ewlehiyê yên Îranê li deverên sînorî yên bajarê Baneyê gule li kolberan reşandin û di encamê de kolberekî bi navê Îbrahîm Pîranzad canê xwe ji dest da.
Li gorî agahiyan, gule li dilê wî kolberî ketiye û ew di cih de miriye.
Her wiha kolberekî din ê bi navê Şaho jî birîndar bûye û ew birine nexweşxaneyê.
Li gorî yasaya bikaranîna çekan a li Îranê, divê hêz berî guleyan bireşînin divê 3 caran daxwaza rawestan û teslîmbûnê bikin û pişt re eger guh neyê dayîn, ji navtengê jêrtir divê gule werin avêtin.
Meha borî herî kêm 4 kolber di encama êrişên hêzên Îranê de li deverên sînorî yên Rojhilatê Kurdistanê canê xwe ji dest daye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse