Hewlêr (Rûdaw) - Li devera navçeya Licê ya parêzgeha Amedê ya Bakurê Kurdistanê agir bi daristanê ket û midaxeleya ji bo vemirandina wê didome.
Li Licê serê sibê ji ber sedemeke nediyar şewat bi daristana darên maziyan ket.
Li ser agahdarkirina, tîmên Birêvebirya Daristanan, îtfaiye û cendirmeyan çûn herêmê.
Agirê ku bi midaxeleya helîkoptera cendirmeyan a ji hewayê û tîmên ji bejahiyê hatibû kontrolkirin, piştî nîvro ji ber bayê dîsa geş bû.
Ji bo vemirandina agir 40 personelên Birêvebirya Daristanan a Amedê, 5 wesayîtên agirkujiyê û helîkoptereke cendirmeyan xebitî.
Her wiha hinek şaredarî jî bi wesayîtên û îtfaiyeyan alîkarî da.
Bi midaxeleya tîman rê li ber belavbûna agir a ber bi cihên niştecihbûnê ve hat girtin.
Xebatên ji bo kontrolkirina agir didomin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse