Balafireke bi 100 rêwî nekarî li Hewlêrê dakeve

Hewlêr (Rûdaw) – Balafirekê ji ber rewşa hewayê nekarî li Balfirxaneya Navdewletî ya Hewlêrê dakeve û bi neçarî li Balfirxaneya Bexdayê daket. Rêwiyên di nav balafirê de dibêjin ku ji wan tê xwestin ku bi taksiyê biçin Hewlêrê.

Rêwiyekî balafirê Ferîd Umer ji Tora Medyayî ya Rûdawê re ragihand: “Balafir îro di demjimêr 03:25ê de ji Stenbolê ber bi Hewlêrê bi rê ket, diviyabû demjimêr 06:10ê sibehê li Balafirxaneya Navdewletî ya Hewlêrê bûya, lê dema em gihiştin esmanê Hewlêrê, karmendên balafirê em agahdar kirin ku esmanê Hewlêr mij e û nikarin dakevin, piştre rasterast ber bi Bexdayê bi rê ket.”

Ferîd Umer diyar kir ku di demjimêr 06:10ê de gihiştine Balafirxaneya Navdewletî ya Bexdayê û li wir daketine.

Li gor gotina Ferîd Umer, ji aliyê kompaniya Fly Baghdad ve hatine agahdarkirin ku bi taksiyê biçin Hewlêrê û got: “Dibêjin ji bo her rêwiyek em dê 50 dolar bidin, em jî razî nebûn.”

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger