Nêçîrvan Barzanî û Husên bin Elî El-Fezale / Wêne: Serokatiya Herêma Kurdistanê
Hewlêr (Rûdaw) - Konsulê Giştî yê Qeterê yê Herêma Kurdistanê Husên bin Elî El-Fezale xatir ji Serokê Herêma Kurdistanê Nêçîrvan Barzanî xwest.
Serokatiya Herêma Kurdistanê ragihand ku Nêçîrvan Barzanî spasiya rola Mîr û serkirdatiya Qeterê ya ji bo aramî û aştiya li herêmê kiriye.
Nêçîrvan Barzanî di hevdîtinê de spasiya hewl û karên El-Fezale yên ji bo bipêşxistina pêwendiyên Qeterê yên bi Herêma Kurdistanê re kir û di erka wî ya nû de serkeftin jê re xwest.
Serokê Herêma Kurdistanê pesnê rola Mîr û serkirdatiya Qeterê ya ji bo aramî û seqamgîriya herêmê û parastina aştiyê da û spasiya xwe ducare kir.
El-Fezale jî li gel spasî û pêzanîna xwe ya ji bo aliyên pêwendîdar ên Herêma Kurdistanê yên ji bo hevkariya wan, ducare kir ku welatê wî bi giringiyeke mezin li pêwendiyên xwe yên bi Îraq û Herêma Kurdistanê re dinêre.
Wî diyar kir ku Qeter dixwaze di warên cuda de hevkariya hevbeş zêdetir bi pêş bixe.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse