Hewlêr (Rûdaw) - Nûnerê Hikûmeta Herêma Kurdistanê li Bexdayê ragihand ku serdana şanda Herêma Kurdistanê bo Bexdayê nehatiye paşxistin û dê di dema xwe de pêk were.
Nûnerê Hikûmeta Herêma Kurdistanê li Bexdayê Faris Îsa, ji Rûdawê re ragihand ku piştî destjikarberdana Adil Ebdûlmehdî jî civînên di navbera Hewlêr û Bexdayê de ji bo gotûbêjkirina budceya 2020an a Iraqê dê berdewam bin û ti astengek bo çê nabe.
Faris Îsa derbarê serdana şanda Herêma Kurdistanê ya bo Bexdayê jî got ku di dema encamdana serdana wê şandê de ti guhertinek pêk nehatiye û sibê (01.12.2019) şanda Herêma Kurdistanê diçe Bexdayê.
Nûnerê Hikûmeta Herêma Kurdistanê li Bexdayê tekezî li ser wê yekê jî kir ku bi destjikarberdana Serokwezîrê Iraqê, karûbarên hikûmetê ranawestin û got, “Weke hikûmeteke karbirêker kar dê bên kirin û di vê çarçoveyê de karên amadekariya bo projeyasaya budceya 2020an a Iraqê dê bên kirin.”
Biryar e sibê 01.12.2019) şanda Herêma Kurdistanê bo gotûbêjkirina meseleyên petrol û pişka Herêma Kurdistanê di budceya 2020an a Iraqê de, serdana Bexdayê bike û li gel berpirsên Iraqê kom bûbe.
Ev serdana şanda Herêma Kurdistanê di demekê de ye ku duh (29.11.2019) Serokwezîrê Iraqê bi daxuyaniyekê biryara destjikarberdana xwe ragihand.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse