Hewlêr (Rûdaw) - Artêşa Tirkiyê û grûpên çekdar Zirgan û gundewarên wê topbaran kirin û di encamê de yek jê zarok 3 kesan jiyana xwe ji dest dan û 5 kes birîndar bûn. Mizgeftek bû armanca êrişên Tirkiyê û grûpên çekdar.
Artêşa Turkiyê û çekdarên opozisyona Sûriyê îro navçeyên Zirgan û Til Temir ên Rojavayê Kurdistanê topbaran kirin û di encamê de li gor çavkaniyên xwecihî 3 sivîlan jiyana xwe ji dest dan û 5 sivîl jî birîndar bûn.
Li gorî zaniyariyên Rûdawê, êvara Îro, grûpên çekdarên opozisyona Sûriyê û Artêşa Tirkiyê, mizgefta navçeya Zirganê li herêma Serê Kaniyê, li parêzgeha Hesekê ya Rojavayê Kurdistanê bi tundî topbaran kirin.
Li gor zanyariyan û di encama topbarana li navçeyên Zirganê û Til Temir de, hemwelatiyên bi navê Cumane Nehat, Cewahir Mûsa Nehat û zarokê bi navê Elam Elî Îsa yê 2 salî, jiyana xwe ji dest dan û 5 sivîlên din jî birîndar bûn.
Li Zirgana ser bi Hesekê ve mizgeftek ji aliyê artêşa Tirkiyê û grûpên çekdar ve hat topbarankirin
— RudawKurdi (@RudawKurdi) December 30, 2021
Di topbarana artêşa Tirkiyê û grûpên çekdar de hejmareke xelkê sivîl bûn qurbanî
📹Medya #HSD`ê
Zanyariyên zêdetir: https://t.co/OtGDdgWU5j pic.twitter.com/jmZ4nreF5B
Di encama êrişa Tirkiyê de zirar û ziyaneke mezin gihiştiy Mizgefta Zirganê û di dîmenan de derdikeve, ku mirovek raste rast dikeve, ber wê topbaranê.
Artêşa Tirkiyê û grûpên çekdar ên ser bi wî welatî ve vê heyama dawî êrişên xwe yên li ser navçeyên Rojavayê Kurdistanê, taybet jî li devera Til Temir û Zirganê zêde kirine û heta niha çendîn sivîl bûne qurbanî û gelek kes jî koçber bûne.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse