Îranê dest bi êrişeke nû ya mûşekî ya li Îsraîlê kir

Hewlêr (Rûdaw) - Artêşa Îsraîlê diyar kir ku Îranê çend mûşekê ber bi Îsraîlê ve şandine.

Artêşa Îsraîlê ragihand, wan xwe ji bo teqandina çend mûşekên ku ji Îranê hatine şandin amade kiriye û zengê hişyariyê jî hatiye lêdan.

Îranê bi çend mûşekên balîstîk êrişî bajarê Beerşebayê yê li başûrê Îsraîlê kiriye.

Mûşekek li malekê ketiye û li gorî vîdeoyên ku li ser toren civakî hatine belavkirin, agir bi wê malê ketiye û dûxaneke zêde jê bilind dibe.

Kanala 12an a Îsraîlê ji zarê berpirsên Birêvebiriya Hawarçûnê ya Îsraîlê ragihand:

“Ji ber êrişa vê sibehê ya Îranê 5 kes birîndar bûne û derûniya 30 kesî jî têk çûye û di şokê de ne.”

Şerê Îran û Îsraîlê derbasî hefteya duyem dibe.

Îran mûşekên cuda û bihêztir dişîne Îsraîlê û Serokwezîrê Îsraîlê Benjamin Netanyahu jî gefa jinavbirina mûşek û bernameya atomî yên Îranê dixwe.

Serokwezîrê Îsraîlê Benjamin Netanyahu diyar kir ew dikarin şert û mercan ji xelkê Îranê re ava bikin lê serîhildan erkê gelê Îranê ye.

Serokwezîrê Îsraîlê li ser şerê Îran û Îsraîlê bersiva da pirsên rojnamegeran.

Netanyahu amaje bi wê yekê jî kir ku mimkine Îsraîl şert û mercan biafirîne da ku xelkê Îranê serî hilde.

#WÊNE - Îranê dest bi êrişeke nû ya mûşekî ya li Îsraîlê kir

Mûşekek li bajarê Beerşebayê yê li başûrê Îsraîlê ket#Israel #Iran #iranisraelwar #Tahran #طهران #TelAviv #Haifa #تل_أبيب #Beerşeba pic.twitter.com/Ju7MMKdi8Y

— RudawKurdi (@RudawKurdi) June 20, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger