Şêwirmendê Rêberê Îranê tûşî Koronayê bû

Hewlêr (Rûdaw) - Şêwirmendê Bilind ê Rêberê Îranê tûşî Koronayê bû û li mala xwe hatiye kerentînekirin.

Elî Ekber Wîlayetî, Şêwirmendê Bilind ê Rêberê Îranê bo karûbarên derve ku hevdem Serokê Nexweşxaneya Mehîs Danişwer ya Tehranê, piştî pişkinînan derket ku tûşî vîrusa Koronayê bûye û niha li mala xwe hatiye kerentînekirin.

Li gor daxuyaniya Nexweşxaneya Mehîs Danişwer ku niha taybet e bi tûşbûyên Koronayê, rewşa tendirustiya Wîlayetî cêgir e û ber bi başbûnê ve diçe.

Ji maweyê gihiştina Koronayê bo Îranê, çendîn berpirsên bilind ên Îranê tûşî vîrusa Koronay bûne ku hejmarek ji wan jî bi wê nexweşiyê canê xwe ji dest dane.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger