Hewlêr (Rûdaw) - Meclisa Taxên Şêx Meqsûd û Eşrefiyeyê ragihand ku ew ji bo veguhastina kesên ku di encama êrişên dijwar de birîndar bûne, di nava hewldaneke mezin de ne.
Li bajarê Helebê, bi taybetî li taxên ku Kurd lê dijîn, şer û pevçûnên dijwar di navbera Hêzên Ewlekariya Hundirîn (Asayîş) û komên çekdar ên hikûmeta demkî ya Sûriyeyê de didomin.
"Êrişên hov"
Meclisa Taxên Şêx Meqsûd û Eşrefiyeyê bi daxuyaniyeke nivîskî bal kişand ser rewşa mirovî ya li taxan.
Di daxuyaniyê de hat diyarkirin ku êrişên li ser herêmê "hovane" ne û di encamê de gelek sivîl birîndar bûne.
Meclisê tekez kir ku tîmên wan ji bo ku karibin birîndaran ji cihên şer derxin û bigihînin nexweşxaneyan an deverên ewle, hemû derfetên xwe seferber kirine.
Dorpêç û astengî
Li gorî zanyariyên ji herêmê, ji ber dorpêça giran û girtina rêyan ji aliyê komên çekdar ve, veguhastina birîndaran bi zehmetî tê kirin.
Tîmên tenduristiyê û xwebexş di bin metirsiya topbaran û gulebaranê de hewl didin jiyana welatiyan rizgar bikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse