Hewlêr (Rûdaw) - Di encama êrişekê de li ser otomobîla Heyva Sor a Tirkiyê li bakurê Helebê, kesek hat kuştin û kesek birîndar bû.
Li gor daxuyaniya ji aliyê Hevya Sor a Tirkiyê ve hatiye belavkirin, otomobîleke wan li herêma dikeve navbera bajarokê El Rai û El Babê rastî êrişê hatine.
Li gor zanyariyên hatine belavkirin, grûpeke di nav otomobîleke bê tablo de otomobîla Heyva Sor a Tirkiyê gulebaran kiriye.
Di encama wê êrişê de li gor daxuyaniya hatiye belavkirin, karmendekî Hevya Sor a Tirkiyê ku li Babê kar dikir, hat kuştin û karmendek jî birîndar bû.
Hatiye belavkirin ku rewşa wî karmendê birîndar baş e û dê bo nexweşxaneyeke Tirkiyê bê veguhastin.
Herwiha piştî êrişê Rêveberê Giştî yê Heyva Sor a Tirkiyê Kerem Kinik jî çû cihê bûyerê û di daxuyanekê de amaje bi wê kir ku li gor yasaya navdewletî karmendên Hevya Sor parastî ne û got, “Ev vê êrişê şermezar dikim. Baweriya min heye ku êrişkar di demek kurt de dê bên girtin.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse