Pêşangeha Pîşesaziya Xwarinê ya Şamê / Wêne û vîdeo: Rûdaw
Şam (Rûdaw) - Li Şama paytexta Sûriyeyê Pêşangeha Navneteweyî ya Pîşesaziya Xwarinê dest pê kir û 200 kompanyayên pîşesaziya xwarinê beşdar bûne.
Li Şamê Pêşangeha 20mîn Navneteweyî ya Pîşesaziya Xwarinê bi navê "Food Expo" dest pê kir.
Nêzîkî 200 kompanyayên ji Sûriye, Rojavayê Kurdistanê û welatên Ereban beşdarî pêşangehê bûne.
Yek ji beşdariyan karsazê Kurd Ebdilrehman Abid e û ew 15 salan li Almanyayê maye, piştî 15 salan vegeriyaye Rojavayê Kurdistanê.
Ebdilrehman Abid li Efrînê kargeha Baxçeyên Efrînê ava kiriye û ew dixwaze bi rêya pêşangehê berhemên Efrînê nîşan bide.
“Ez dixwazim navê Efrîn û berhemên wê li cîhanê belav bibin”
Karsazê Efrînî Ebdilrehman Abid got, “Ez nêzîkî 15 salan li Almanyayê bûm, Piştî ku pirsgirêk çarser bûn, ez vegeriyam.
Ev bûn 6 meh min kargeha kelûpelên xwarinê li Efrînê vekiriye.
Niha nêzîkî 15-16 wekîlên min li Ewropa û Siûdiyê hene û ez dixwazin navê Efrînê li cîhanê belav bibe.
Ez dixwazim berhemên Efrînê wekî zeyt û zeytûnên Efrînê li hemû cîhanê belav bibin.”
Berhemên xwezayî yên ku li Efrîn tên çêkirin, li gorî bazirganan ne tenê li Sûriyeyê belav bûne, lê nav û dengê wan gihîştiye Ewropayê jî û ji ber kalîteya wan gelek xwestek jî li ser heye.
“Ewropayê pêwîstî bi berhemên me heye”
Bazirganê bi navê Ednan Henan jî got:
“Ewropayê pêwîstî bi berhemên me heye ji ber ku madeyên parêzker tê de tune ne û tev xwezayî ne, wekî zeyt, megdûs, mireba û ava bacanan hemû xwezayî ne.
Hûn jî û em jî zanin Ewropa gelekî li ser madeyên parêzer gelekî hestiyar e.
Berhemên Efrînê tev xwezayî ne û hin berhemên me hene avê jî naxwazin, em ji wan re dibêjin bejî, lewma tameke xwezayî ya berhemên xwarinê yên efrînê heye.”
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse