Hewlêr (Rûdaw) – Serokkomarê Tirkiyeyê Recep Tayyîp Erdogan ji bo posta kar û barên Îraqê nûnerekî taybet tayîn kir.
Biryara tayînkirina Nûnerê Taybet ê Îraqê di Rojnameya Fermî ya Tirkiyeyê de hat weşandin.
Li gorî biryara fermî ya rojnameyê, wezîrê berê Veysel Eroglu wekî Nûnerê Taybet ê Îraqê hat tayînkirin.
Veysel Eroglu kî ye?
18ê Tebaxê 1948an li parêzgeha Afyonkarahîsarê ji dayik bûye.
Endamê Heyeta Perwerdeyê Prof. Dr. Veysel Eroglu Fakulteya Avahîsaziyê ya Zanîngeha Teknîkî ya Stenbolê û Beşa Dîrokê ya Fakulteya Edebiyatê ya Zanîngeha Stenbolê qedandiye.
Sala 1984an bûye doçent û sala 1991ê bûye profesor.
Endamtiya Lijneya Birêvebir a Fakulteya Avahîsaziyê ya ÎTUyê bûye.
Serokatiya saziyên wekî ÎSTAÇ, KÎPTAŞ, BÎMTAŞ, HAMÎDÎYE, ÎSFALT AŞê, Şirketa Dar û Peyzajê ya Stenbolê kiriye.
Midûriya Giştî ya DSÎyê kiriye. Zêdeyî 350 gotar, teblîx û raporên teknîkî yên pîşeyî û pirtûk weşandine ku 45 jê bi zimanên biyanî ne.
4 serdeman wekî parlamenterê Afyonkarahîsarê û serdemekê jî wekî parlamenterê Îzmîrê hatiye hilbijartin.
3 serdeman wekî wezîrê Wezareta Daristan û Karên Avê di kabîneyên hikûmetên Tirkiyeyê de kar kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse