Partiya DEVA bi fermî tê ragihandin
Hewlêr (Rûdaw) - Îro Çarşembê Ali Babacan li Enqerê partiya xwe ya bi navê Partiya Demokrasî û Pêşdeçûnê (DEVA) bi fermî radighîne.
Piştî bidawîbûna amadekariyan, biryar e îro Çarçemê 11ê Adarê demjimêr 13:00ê merasîma ragihandina Partiya Demokrasî û Pêşdeçûnê (DEVA) ya bi serokatiya Ali Babacan li Hotêla Bilkent a Enqerê were sazkirin û programa partiyê bê ragihandin.
Duh Sêşemê di dengdanekê de Desteya Damezrêner a DEVAyê ku 90 kes in, bi tevahiya dengan Ali Babacan wek serokê giştî yê partiyê hilbijartin. Li gor bernameya partiyê, Babacan û endamên Desteya Damezrêner demjimêr 12:00 serdana ser gora damezrênerê Komara Tirkiyê Mustafa Kemal Ataturk dikin.
Li gor daxuyaniya DEVAyê, serokomarê berê yê Tirkiyê Abdullah Gul ligel Babacan peywendî daniye û pîrozbahî lê kiriye. Berî niha Babacan di programeke televizyonî de gotibû, ti postekî Gul di nav partiya wî de nîne û nabe jî, lê ji dûr ve bi ezmûna xwe piştgiriya wan dike û ew jî pê dişêwirin.
Ali Babacan kî ye?
Nîsana 1967an li Enqerê ji dayîk bûye
Master li Zanîngeha Northwestern a Amerîkayê temam kiriye
Endazyarê Pîşesazî ye
Yek ji damezrênerên AK Partiyê bû
Sê caran wek parlamenter hatiye hilbijartin
2005 – 2009 Serpereştiya civînên Tirkiyê ligel Yekîtiya Ewropayê kiriye
2002 – 2007 Wezîrê Aborî bû
2007 – 2009 Wezîrê Derve bû
2009 – 2015 Cîgirê Serokwezîr bû
Zewicî ye û bavê 3 zarokan e
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse