Hewlêr (Rûdaw) - Li daristaneke parêzgeha Kocaeliyê ya Tirkiyeyê 2 kesên ku ji bo dîtina zêran bîrek kola piştî demekê asê man û mirin.
Veysel Eroglu (55 salî) û Temel Sever (55 salî) ku ji bo dîtina defineyan bîr kola ji ber gaza metanê bêhiş ketin.
Li ser agahdarkirinê tîmên rizgarkirinê çûn cihê bûyerê û dest bi xebatên rizgarkirinê kirin.
Piştî xebateke 6 saetan a tîmên rizgarkirinê termên her du kesan jî hatin derxistin.
Bîra ku li nava daristanekê hatibû kolan bi qasî 10 metreyan kûr bûye.
Bûyer nêzîkî saet 23:00an li taxa Mollafeneriyê ya navçeya Gebzeyê qewimî.
Tîman termên Veysel Eroglu û Temel Sever veguhastin morgê.
Lêkolînên tîman ên li cihê bûyerê berdewam dikin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse