Amedspor dixwaze hêza alîgirên xwe bibîne: 'Em çend kes in?'

Hewlêr (Rûdaw) - Amedsporê ji bo ku piştgiriya alîgirên xwe diyar bike û tevkariyê li binesaziya domdar a klubê bike, kampanyaya SMSan a bi navnîşana "Em çend kes in?" da destpêkirin.

Di çarçoveya kampanyayê de, alîgir dikarin ji hemû operatorên GSMê peyva "AMEDSPOR" binivîsin û ji 2139an re bişînin.

Bi vî awayî ew dikarin piştgiriyê bidin tîma xwe.

Amedspor di Lîga Yekemîn a Trendyolê de dilîze.

Amedsporê di daxuyaniya xwe de da zanîn ku her SMSa ku bê şandin dê hem alîkariya madî bide klubê û hem jî dê piştgiriya xurt a civaka mezin a Amedsporê derxe holê.

Amedsporê diyar kir ku ew bawer dikin dê alîgir eleqeyeke mezin nîşanî vê kampanyayê bidin û got:

"Bersiva pirsa 'Em çend kes in?' dê careke din piştrast bike ku em bi têkoşîna xwe ya li qadê û coşa xwe ya li trîbunan malbateke çi qasî mezin in."

AMEDSPOR yaz 2139’a gönder, takımına ses ol
💚❤️
AMEDSPOR binivîse û ji 2139ê re bişîne, hêzê bide tîma xwe.
💚❤️
AMEDSPOR binuse, bierşawe 2139, paştî bide taximê xo!#MücadeleninTakımı#TîmaTêkoşînê#TaximêXoverdayîşî pic.twitter.com/ON9Ry2oNtB

— Amedspor (@amedskofficial) December 2, 2025

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger