Hewlêr (Rûdaw) - Tîma Igdir FKyê ya Bakurê Kurdistanê tîma Lîga Superê Antalyaspor 6-0 têk bir.
Di maça hefteya 3yemîn a Koma Byê ya Kupaya Zîraatê ya Tirkiyeyê de tîma Lîga 1emîn Igdir FK û tîma Lîga Superê Antalyaspor hatin pêşberî hev.
Maça ku li Stadyuma Bajar a Îdirê hat lîstin, bi serkeftina mezin a Îdirsporê bi dawî bû.
Tîma mazûvan hevrikê xwe bi encama 6-0 destvala şand mala xwe.
Golên maçê
Golên serkeftinê yên Igdirsporê xulekên 12 û 24an Antoine Conte, xuleka 16an Aaron Suarez, xuleka 31ê Dorin Rotariu, xuleka 50î Ozder Ozcan û xuleka 85an Gianni Bruno tomar kirin.
Îdirsporê puanê xwe kir 4
Bi vê encamê re Igdir FKyê puanê xwe yê di Kupayê de derxist 4an.
Antalyaspor di dawiya 3 maçan de bê pûan ma.
Di hefteya bê ya maçên Kupayê de Igdir FK dê biçe deplasmana Bodrum FKyê.
Antalyaspor jî dê li stadyuma xwe mazûvaniya Samsunsporê bike.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse