Hewlêr (Rûdaw) - Amedspora ku ji bo şampiyontiyê hewl dide, li deplasmanê 4-0 zora Istanbulsporê bir û 3 puan standin.
Amedspor di hefteya 30yî ya Lîga 1emîn a Tirkiyeyê de li deplasmana Stenbolê derket pêşberî Istanbulsporê.
Di maça ku li Stadyuma Esenyurt Necmî Kadiogluyê hat lîstin de Amedsporê 4 gol avêtin hevrikê xwe.
Nîvê yekem bi 2 golan xelas bû
Amedsporê xuleka 34an bi gola Felix Afena Gyan û xuleka 39an bi gola Mbaye Diagne nîvê yekem 2-0 li pêş girt.
Di destpêka nîvê duyem de Mehmet Yeşîl gola 3yemîn a tîma xwe kir û Diagne jî xuleka 89an gola ku skor kir 4-0 avêt.
Tîma kesk û sor ji deplasmana zehmet bi 3 puanan vegeriya.
Amedsporê di rêya şampiyontiyê de serkeftineke girîng bi dest xist.
Amedsporê puanên xwe derxistin 61ê û di lîgê de cihê xwe yê rêza 3yemîn parast.
Tîma Amedê dê hefteya bê li mala xwe bi Manîsa FKyê re bilîze.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse