Hewlêr (Rûdaw) - Amedspor di Lîga Yekemîn a Tirkiyeyê de mazûvaniya Vansporê kir û bi encama 1-0 bi ser ket.
Du tîmên navdar û diyar ên Bakurê Kurdistanê Amedspor û Vanspor di maça hefteya 27an a Lîga Yekemîn a Trendyolê de hat pêşberî hev.
Peyamên biratiyê
Beriya maçê û di dema lîstikê de alîgirên her du tîman jî peyamên "biratiyê" dan û dostaniya xwe nîşan da.
Nîvê yekem ê maçê bi tedbîr û kontrol derbas bû û ti gol nehatin avêtin û her du tîm bi encama 0-0 çûn bêhnvedanê.
Gola serkeftinê di xulekên zêdekirî de hat
Di nîvê duyem de jî heta xulekên dawî encam neguherî.
Lê di xulekên zêdekirî yên maçê de lîstikvanê Amedsporê Afena-Gyan derket ser dikê.
Afena-Gyan gog şand nav torên Vansporê û tîma xwe 1-0 xist pêş.
Maç bi vê encamê bi dawî bû.
Amedsporê bi vê serkeftinê puanên xwe derxistin 54an û şopandina xwe ya ji bo lûtkeya lîgê domand.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse