Hewlêr (Rûdaw) – Serokê Herêma Kurdistanê Nêçîrvan Barzanî û Serokwezîr Mesrûr Barzanî tîmên futbolê yên Dihok û Zaxoyê pîroz kirin.
Serokê Herêma Kurdistanê Nêçîrvan Barzanî ji ber ku tîmên Dihok û Zaxoyê gihîştin maça dawî ya Kupaya Îraqê pîrozbahî li wan kir û got, “Her du tîm û lîstikvanên wan cihê şanaziyê ne.”
Serokê Herêma Kurdistanê di peyamekê de ji bo her du tîman anî ziman:
“Ji dil û bi germî pîrozbahiyê li tîmên futbolê yên Dihok û Zaxoyê dikim ku bi ser ketin û gihîştin maça dawî ya Kupaya Îraqê.”
Nêçîrvan Barzanî di peyama xwe de ku li ser tora civakî ya Xê belav kiriye nivîsî:
“Herdu tîm û hemû yarîzanên wan cihê şanaziyê ne, destxweşiyê li wan dikim û hêviya serkeftina berdewam ji wan re dixwazim.”
ژ دل و ب گهرمی پیرۆزباهیێ ل ههردو تیمێت تهپا پێی یێت دهۆک و زاخۆ دکهم کو سهرکهفتن و گههشتنه یارییا دویماهیێ یا جاما عیراقێ.
— Nechirvan Barzani (@IKRPresident) July 13, 2025
ههردو تیم و ههمی یاریزانێت وان، جهێ شانازییێنه. دهستخۆشیێ لێ دکهم و هیڤییا سهرکهفتنێت بهردهوام بۆ وان دخازم.
Her wiha Serokwezîrê Herêma Kurdistanê Mesrûr Barzanî jî bi peyamekê pîrozbahî kir û got:
“Ji bo gihiştina maça dawî ya Kupaya Îraqê, pîrozbahiyên xwe yên herî germ li tîmên futbolê yên Dihok û Zaxoyê dikim.
Ev destkeft nîşana şiyan û behremendiya ciwanên me ye û ji bo hemû Kurdistaniyan şanaziyeke mezin e. Hêviya min serkeftina we ye.”
Tîmên Dihok û Zaxoyê di dîroka xwe de cara yekem e gihîştin maça dawî ya Kupaya Îraqê.
Ev yek piştî wê yekê hat ku Dihokê li hemberî tîma Cewiyeyê û Zaxoyê jî li hemberî tîma Şurteyê bi ser ketin.
Roja Çarşemê, maça dawî ya Kupaya Îraqê li Bexdayê di navbera her du tîmên Kurdistanê de bi rê ve diçe.
ب هەلکەفتا گەهشتنا وە بۆ یاریا دووماهیێ یا جاما عێراقێ، گەرمترین پیرۆزباهییان ل هەردوو تیپێن تەپاپێی یێن دهۆک و زاخۆ دکەین.
— Masrour Barzani (@masrourbarzani) July 13, 2025
ئەڤ دەستکەفتە گرۆڤەیە ل سەر شیان و بەهرەیا گەنجێن مە و شانازیەکا مەزنە بۆ تەڤ کوردستانییان. هیڤییا من، سەرکەفتنا وەیە.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse