Hewlêr (Rûdaw) - Rûpela fermî ya Instagramê ya Amedsporê gihîşt milyonek şopînerî.
Amedspora ku di Lîga 1emîn a Federasyona Futbolê ya Tirkiyeyê (TFF) de dilîze, di qada medyaya civakî de jî serkeftineke mezin bi dest xist û bendava milyonek şopînerî derbas kir.
Bi vê hejmarê re, Amedspor bû tîma pêncemîn a Tirkiye û Bakurê Kurdistanê ku li ser Instagramê xwediyê herî zêde şopîneran e.
Hejmara şopînerên "çar tîmên mezin" ên li ser Instagramê wiha ye:
Galatasaray: 17,6 milyon şopîner
Fenerbahçe: 11,5 milyon şopîner
Beşiktaş: 7,7 milyon şopîner
Trabzonspor: 1,4 milyon şopîner
Amedspor bi vê bipêşketinê re nîşan da ku ne tenê li stadyumê, li ser torên civakî jî xwedî girseyeke mezin a alîgiran e.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse