Cîhan
Dengderek li Fînladayê dengê xwe davêje sindoqa dengdanê, îro Yekşemê 2ê Nîsana 2023. Wêne: Jonathan NACKSTRAND / AFP
Hewlêr (Rûdaw) - Medyayên Fînlandayê encamên destpêkê yên hilbijartinên Fînlandayê aşkere kirin û li gor encamên ne fermî yên destpêkê, Hevpeymaniya Niştimanî (KOKOOMUS) bi 20.8% dengan li pêş e.
Îro li Fînlandayê ji saet 09:00 bi dema xwecihî ve hilbijartinên parlamentoyê li wî welatî bo diyarkirina 200 parlamenteran destpê kirin û heta saet 20:00 dom kir.
Li Fînlandayê ku nifûsa wê bi qasî 5 milyon û 600 hezar kesî ye 4 milyon û 546 hezar kesan di hilbijartinên îro de mafê wan ê dengdanê hebû.
Di serê saeta 20:00an de deriyên navendên dengdanê hatin girtin û cudakirin û hejmartina dengan destpê kir.
Li gor encamên destpêkê yên nefermî ku medyayên wî welatî belav kirine, Hevpeymaniya Niştimanî (KOKOOMUS) bi 20.8% dengan li pêş e û partiya Sosyal Demokrat / SDP bi 20.7 û Partiya Fînlandiyan / PERUS bi 18.6% dengan di rêzên duyem û sêyem de ne.
Encamên destpêkê yên hilbijartinên Fînlandayê:
1- Hevpeymaniya Niştimanî / KOKOOMUS: 20.8%
2- Sosyal Demokrat / SDP: 20.7%
3- Partiya Fînlandiyan / PERUS: 18.6%
4- Partiya Navendî: %12,3
5-Partiya Çep: 7,9%
6-Partiya Keskan: 7,3%
7- Demokratên Kiristiyan: 4,4%
Li gorî daxuyaniya Wezareta Dadê, tê payîn ku encamên dawî yên hilbijartinan dê di 5ê Nîsanê de bên eşkerekirin.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse